Alþjóðlegur friðardagur Sameinuðu þjóðanna nálgast og af því tilefni ætlar Lótushús að standa fyrir viðamikilli friðar- og hugleiðsludagskrá vikuna 15.-21. september.
Vikuna 15.- 20. september verða leiddar hugleiðslur þrisvar á dag í Lótushúsi. Þær verða kl. 7:00, 12:10 og 19:30. Hugleiðslurnar eru hálftími að lengd og ætlaðar byrjendum sem og lengra komnum. Allir eru hjartanlega velkomnir í hugleiðslurnar og skráning er óþörf.
Sunnudaginn 21. september verður síðan sérstök hugleiðslu- og friðardagsrká á Garðartorgi í Garðabæ. Þar munu leiddar hugleiðslur, lifandi tónlist og ljóðalestur skapa friðsælt og endurnærandi andrúmsloft fyrir alla þá sem vilja hlúa að eigin huga og upplifa innri frið og styrk. Meðal þeirra sem koma fram eru KK, Ragnheiður Gröndal, Guðmundur Pétursson og Þórarin Eldjárn.
Í Lótushúsi er nefnilega talið að eitt mikilvægasta framlag hvers einstaklings til heimsfriðar sé að gefa sér tíma til að stíga út úr ytra áreiti og skapa innri frið og kyrrð. Hér er því komið einstakt tækifæri til þess að kynnast starfi Lótushúss betur og upplifa magnaðar hugleiðslur sem eru í boði.
You must be logged in to post a comment.