Leikritið „Næstum sjö“ sýnt í Gaflaraleikhúsinu

Leikfélagið Óríon sýnir í Gaflaraleikhúsinu verkið Næstum sjö en það er grátbroslegt verk sem fjallar um tvær íslenskar fjölskyldur sem bindast örlagaböndum í gegnum klæki huldumanns. Í stuttu máli fjallar verkið um að tveir auðjöfrar þurfa að gifta börnin sín til að tryggja auðæfi sín til æviloka. Sá hængur er hins vegar á að stúlkan er tæplega tvítug en drengurinn næstum sjö. Það flækir málið óneitanlega og leiðir af sér skrautlega atburðarás sem nær hámarki á Breiðafirði – eða eins og eyjaskeggjar kalla hann – í Hringeyjamenningunni.

 

Mynd/Midi.is

Smelltu á myndina til að nálgast miða á sýninguna.

 

Leikritið er viðeigandi fyrir allan aldur og ætti að geta kitlað hláturtaugar flestra.

Sýningin var unnin af leikhópnum í samstarfi við leikstjórann, Viktor Inga Guðmundsson. Ferlið byggðist að miklu leiti á karaktersköpun. Úr spunum komu tengingar milli persónanna og á endanum varð úr heilsteypt verk með djúpum og litríkum persónum sem allir ættu að geta elskað.

Sýningar verða laugardaginn 13 og sunnudaginn 14. september. Hægt er að nálgast miða HÉR

Efnisorð:, ,

Flokkar: Listir, Menning

Höfundur:Menningarvitinn.is

Vefsíða um bókmenntir, listir og menningu
%d bloggurum líkar þetta: